“Quick, Draw!” ສຸດຍອດເກມແຕ້ມຮູບ ໃນຍຸກຂອງຫຸ່ນຍົນ

     ບໍລິສັດ ຍັກໃຫຍ່ Google ໄດ້ເປີດປະສົບການໃໝ່ກັບການແຕ້ມຮູບທີ່ບໍ່ທໍາມະດາ ເຊິ່ງຈະເຮັດໃຫ້ຄົນເຮົາໄດ້ແຕ້ມຮູບແບບໃກ້ຊິດກັບປັນຍາປະດິດ (AI) ຈາກ Google ນີ້ເອງ, ເຊິ່ງ Google ໄດ້ມີການເປີດຕົວ Web ເກມ “Quick, Draw” ທີ່ເຮັດໃຫ້ທຸກຄົນມາທົດສອບທັກສະໃນການແຕ້ມຮູບ ເຊິ່ງເຮົາບໍ່ຈໍາເປັນຕ້ອງແຕ້ມຮູບງາມ ແຕ່ຈະເນັ້ນການແຕ້ມຮູບທີ່ສາມາດໃຫ້ Google ເຂົ້າໃຈ ແລະ ສາມາດເດົາໄດ້ວ່າສິ່ງທີ່ເຮົາກໍາລັງແຕ້ມຢູ່ນັ້ນ ແມ່ນຮູບຫຍັງ ?

“ເກມນີ້ຕ້ອງໃຊ້ຈິນຕະນາການສູງ ບວກກັບຄວາມຮູ້ດ້ານຄໍາສັບພາສາອັງກິດເລັກນ້ອຍຫາຫຼາຍ”

ປລ. ຖ້າຄິດວ່າເຈົ້າແຕ້ມຮູບໄດ້ເຈ໋ງທີ່ສຸດ ເຮົາລອງມາຫຼີ້ນໄປພ້ອມໆກັນ ຮ່າຮ່າ

ເຂົ້າຕາມລິ້ງນີ້ເລີຍ Quick, Draw ! ຈາກນັ້ນເຮົາຈະເຂົ້າສູ່ Web ເກມ ແລ້ວເລີ່ມແຕ້ມກັນເລີຍ 

“ ກົດ Let’s Draw ! ” ເຊິ່ງໂຈດໃນເກມຈະມີທັງໝົດຢູ່ 6 ພາບ ( ຈະມີການສຸ່ມເອົາໂຈດທີ່ບໍ່ຊໍ້າກັນ ) ໂດຍໃນແຕ່ລະພາບຈະໃຊ້ເວລາພຽງ 20 ວິນາທີເທົ່ານັ້ນ.

Let's Draw !

       ຈາກໂຈດທໍາອິດ ແມ່ນ "Radio" ແປວ່າ ວິທະຍຸ ເຊິ່ງອັນນີ້ແຫຼະ ນອກຈາກທີ່ເຮົາຈະມີທັກສະໃນການແຕ້ມແລ້ວ ເຮົາຍັງໄດ້ຮຽນຮູ້ຄໍາສັບພາສາອັງກິດໄປໃນໂຕອີກ - ຖ້າເຮົາແປຜິດ ເຮົາກໍ່ຈະແຕ້ມຜິດຄືກັນ ຫະຫະ ( ໃຊ້ຄວາມຮູ້ ແລະ ຈິນຕະການລ້ວນໆ... )  ດ້ວຍຈິນຕະນາການ ແລະ ທັກສະໃນການແຕ້ມຂອງຂ້ອຍ ຈະຂໍໂຊຝີມືໃຫ້ແກ່ທຸກທ່ານໄດ້ເຫັນ ວ່າໂຈດນີ້ມັນ ໂຈດໝູ ໝູ ຫຸຫຸ

     ກົດໄປທີ່ Got It ! ເພື່ອເລີ່ມແຕ້ມເລີຍ

     ເຮົາຈະເຫັນເປັນພື້ນທີ່ວ່າງໆ ຄ້າຍກັບກະດາດສີຂາວ ທີ່ຈະໃຫ້ເຮົາແຕ້ມໃນນີ້ເລີຍ !

ສໍາເລັດ ! ນີ້ແຫລະຮູບແຕ້ມລະດັບເທບຂອງຂ້ອຍ "ວິທະຍຸ" ໄດ້ສໍາເລັດແລ້ວ ແລະ ຍັງໄດ້ເຮັດໃຫ້ Google ເຂົ້າໃຈອີກວ່າຮູບນີ້ແມ່ນຮູບວິທະຍຸ.   ມັນສຸດຍອດໄປເລີຍ ຫະຫະ

ມະ ! ເຮົາມາຕໍ່ໂຈດທີ 2 ກັນເລີຍ...

ໂຈດງ່າຍໆນີ້ຄື "Pool" ແປວ່າ "ສະນໍ້າ"  ມັ້ງ !

ແນ່ນອນວ່າ ດ້ວຍທັກສະໃນການແຕ້ມຂອງຂ້ອຍແລ້ວ ກໍ່ເຮັດໃຫ້ຂ້ອຍສາມາດຜ່ານໂຈດນີ້ໄດ້ຢ່າງງ່າຍດາຍ ( ໄອ້ເກັ່ງງງ... )

 ເຮົາມາຕໍ່ໂຈດທີ 3 ກັນເລີຍ...

ໂຈດງ່າຍໆນີ້ຄື "Dog" ແປວ່າ "ໝາ"

ຢ່າງທີ່ຮູ້ໆກັນຢູ່ ວ່າມັນເປັນໂຈດທີ່ງ່າຍຫຼາຍ " ໂຈດໝາໆ ! "

 ຕໍ່ໂຈດທີ 4 ກັນເລີຍ...

ໂຈດງ່າຍຕໍ່ມາຄື "Hexagon" ແປວ່າ "ຮູບຫົກຫຼ່ຽມ"

ງ່າຍເກີ້ນນນນ .....

 ມາຕໍ່ໂຈດທີ 5 ກັນເລີຍ !

ໂຈດງ່າຍຕໍ່ມາຄື "Birthday Cake" ແປວ່າ "ເຄັກວັນເກີດ"

ເທບອະຫຼີ  ຕ້ອງຂໍຍອມຮັບກັບຝີມືຕົນເອງ ຫະຫະ

ມາຕໍ່ໂຈດທີ 6 ກັນເລີຍ...

ມາຮອດໂຈດສຸດທ້າຍແລ້ວ ມັນຄື "Triangle" ແປວ່າ "ຮູບສາມຫຼ່ຽມ"

ຖືວ່າຜ່ານມາໄດ້ແບບ ຊິວໆຫຼາຍ ເມື່ອທຽບກັບຝີມືຂອງຂ້ອຍແລ້ວ.

..........................

ແລະ ຫຼັງຈາກທີ່ເຮົາແຕ້ມໄດ້ໝົດທຸກຮູບແລ້ວ ມັນກໍ່ຈະມີການລວບລວມເອົາຜົນງານທີ່ຜ່ານມາຂອງເຮົາ

ທັງ 6 ພາບ ຂຶ້ນມາລວມກັນຕາມນີ້

Well Drawn !

ເປັນອັນວ່າສໍາເລັດ ຂ້ອຍແຕ້ມຜ່ານໄດ້ 6 ຮູບ , ນັ້ນສະແດງວ່າຝີມືການແຕ້ມຂອງຂ້ອຍບໍ່ທໍາມະດາເລີຍ ຫຸຫຸ

.....................

ນອກຈາກນີ້ ເຮົາຍັງສາມາດກົດເຂົ້າໄປເບິ່ງພາບທີ່ເຮົາແຕ້ມໄດ້ອີກ ເພື່ອເບິ່ງວ່າ ສິ່ງທີເຮົາແຕ້ມນັ້ນ ທາງ Google ໄດ້ເຫັນເປັນຮູບຫຍັງແດ່ ?

ຈາກພາບທີ່ຂ້ອຍແຕ້ມ "ໝາ" ແມ່ນ Google ຍັງໄດ້ທຽບເຫັນວ່າມັນເປັນຮູບ "ມ້າ" ແລະ ຮູບ"ມ້າລາຍ" ນໍາອີກ

---------

ນອກນີ້ Google ກໍ່ໄດ້ແນະນໍາໃຫ້ເຮົາຮູ້ວ່າ ຈາກໂຈດທີ່ Google ໃຫ້ມານັ້ນເຮົາຕ້ອງແຕ້ມແນວໃດແທ້ ທີ່ຈະເຮັດໃຫ້ Google ສາມາດເຂົ້າໃຈໄດ້.

( ຈົບ )

ໂອເຄ ! ເມື່ອອ່ານມາຮອດນີ້ແລ້ວ ເຈົ້າກໍ່ຕ້ອງຢາກໂຊຄວາມເທບໃນການແຕ້ມຂອງເຈົ້າແລ້ວເນາະ

ມະ ! ມາລອງແຕ້ມນໍາກັນ ຕາມລິ້ງນີ້ເລີຍ  Quick, Draw !

ວິທີຫຍໍ້ຊື່ URL ໃຫ້ສັ້ນລົງ ໃນແບບຂອງ Google

ເມື່ອເວົ້າເຖິງການຫຍໍ້ຊື່ URL ຂອງເວັບໄຊ໌ທີ່ມີ url ຍາວໆ ສັ້ນລົງໄດ້ນັ້ນມັນສຸດເຈ໋ງທີ່ສຸດ ເພື່ອຄວາມສະດວກໃນການແຊຣ໌ເວັບໄຊ໌ຜ່ານທາງ Social Media ຕ່າງໆ ເຊັ່ນ : Instagram ແລະ Twitter ທີ່ໄດ້ມີການຈໍາກັດຕົວອັກສອນໃນການໂພສ

------------

" ວິທີການຫຍໍ້ຊື່ URL ໃຫ້ສັ້ນລົງດ້ວຍວິທີງ່າຍໆ "

Google ໄດ້ປ່ອຍເຄື່ອງມື "Google url Shortener"  ເຊິ່ງເປັນເຄື່ອງມືໃນການຫຍໍ້ URL ໃຫ້ສັ້ນລົງເພື່ອງ່າຍຕໍ່ການນໍາໄປແຊຣ໌ຕໍ່

ຕາມລິ້ງນີ້ເລີຍ : " www.goo.gl "

-----------

ຂັ້ນຕອນຕໍ່ມາເຮົາກໍ່ພຽງແຕ່ເຂົ້າ Copy URL ຈາກເວັບໄຊ໌ຂອງເຮົາ

ລິ້ງຕົວຢ່າງ : http://dekitproject.blogspot.com/2017/04/autodraw-ai_68.html
----------------

----------
ຈາກນັ້ນ ໃຫ້ເຮົານໍາ URL ມາວາງທີ່ເວັບຂອງ  www.goo.gl
------------------------

--------
ກົດທີ່ປຸ່ມ SHORTEN URL
--------------

---------------

ເມື່ອເຮົາກົດ Shorten url ລະບົບກໍ່ຈະຫຍໍ້ url ທີ່ຍາວໃຫ້ສັ້ນລົງໃນພິບຕາ

---------

-----------
ຈາກນັ້ນ ໃຫ້ເຮົາ Copy Short URL ສັ້ນໆໄປໃຊ້ງານໄດ້ເລີຍ

ລິ້ງທີ່ຫຍໍ້ໃຫ້ສັ້ນລົງ : https://goo.gl/D8IKhF
-------

ລິ້ງທີ່ເຮົາຕ້ອງການຫຍໍ້ : http://dekitproject.blogspot.com/2017/04/autodraw-ai_68.html

ລິ້ງທີ່ຫຍໍ້ສໍາເລັດແລ້ວ : https://goo.gl/D8IKhF

-------

" ສັງເກດເຫັນວ່າລິ້ງ url ມັນຈະປ່ຽນໄປ,  ແຕ່ວ່າລິ້ງທັງສອງແມ່ນຈະເຂົ້າສູ່ໜ້າເວັບໄຊ໌ອັນດຽວກັນ "

ເພີ່ມຕື່ມ : 

ຖ້າຫາກວ່າເຮົາ Sign in ໂດຍໃຊ້ Google Account ແລ້ວກໍ່ຈະສະແດງລິ້ງ URL ຕ່າງໆທີ່ເຮົາໄດ້ຫຍໍ້ໄວ້ນັ້ນຂຶ້ນມາໃນລາຍການຂອງເຮົາ

-------------

Web Browser ແມ່ນຫຍັງ ?

ເວັບບຣາວເຊີ້  ( Web Browser ) ແມ່ນຫຍັງ ແລະ ໃຊ້ໄວ້ເຮັດຫຍັງ ?

    
    ເວັບບຣາວເຊີ້  ( Web Browser ) ຫຼື ໂປຼແກຼມເປີດເວັບໄຊ໌ ເຊິ່ງເປັນໂປຼແກຼມຄອມພິວເຕີ ທີ່ໃຊ້ໃນການເຂົ້າເຖິງຂໍ້ມູນໃນຮູບແບບຂອງເວັບເພສ ແລະ ສາມາດໂຕ້ຕອບກັບຂໍ້ມູນຂ່າວສານຂອງໜ້າເວັບເພສ໌ທີ່ຖືກສ້າງດ້ວຍພາສາສະເພາະ ເຊັ່ນ : ພາສາ HTML, ພາສາ PHP ທີ່ໄດ້ຈັດເກັບໄວ້ລະບົບບໍລິການ ທີ່ເອີ້ນວ່າ : Web Server ຫຼື ລະບົບເກັບຂໍ້ມູນ. Web Browser ກໍ່ປຽບດັ່ງເຄື່ອງມືໃນການຕິດຕໍ່ກັບເຄື່ອຄ່າຍຄອມພິວເຕີຂະໜາດໃຫຍ່ ທີ່ເອີ້ນວ່າ : www (World Wide Web) ນັ້ນເອງ

"ປະໂຫຍດຂອງ Web browser"

     ໃຊ້ໄວ້ສໍາລັບເປີດເບິ່ງຂໍ້ມູນຕ່າງໆພາຍໃນ Web Server ໄດ້, ມີການສະແດງຜົນຂໍ້ມູນ ໃນຮູບແບບຂອງ ຂໍ້ຄວາມ, ຮູບພາບ ແລະ ສື່ມີເດຍຕ່າງໆ ທີ່ເຮັດໃຫ້ການເຂົ້າເບິ່ງຂໍ້ມູນຂ່າວສານນ່າສົນໃຈຫຼາຍຂຶ້ນ.

ເວັບບຣາວເຊີ້ ( Web Browser ) ທີ່ນິຍົມໃຊ້ກັນຫຼາຍໃນປັດຈຸບັນປະກອບມີ :

1. Google Chrome
2. Mozilla Firefox
3. Internet Explorer
4. Safari
5. Opera

"ສະຖິຕິຂອງການໃຊ້ງານ"

ວິທີຕັ້ງຄ່າ ກົດ Follow (ຕິດຕາມ) ໃນ Facebook ບໍ່ໃຫ້ໝູ່ເພຶ່ອນເຫັນວ່າເຮົາຫື່ນ

          ສໍາລັບຄົນທີ່ຫຼິ້ນ Facebook ອາດຈະເຄີຍພົບບັນຫາທີ່ວ່າເວລາເຮົາກົດ Add ຫຼຶວ່າ ກົດ Follow ສາວງາມ, ດາລາ, ນາງແບບ, ເນັດໄອດໍ່, ເພສ 18+ ແລະ ອື່ນໆນາໆ ມັກຈະເຫັນໝູ່ເພື່ອນເຮົາມາເຢິ້ຍຕະຫຼອດ (ເລີຍຄິດໃນໃຈ...ເອະ!! ມັນຄືຮູ້ວ່າເຮົາກົດຕິດຕາມສາວ xxx ) ຫະຫະ

--------------

"ວິທີການຕັ້ງຄ່າ ກົດ Following ບໍ່ໃຫ້ໝູ່ເພືອນຮູ້ວ່າເຮົາຫື່ນ"

• ການຕັ້ງຄ່າສໍາລັບໃນຄອມພິວເຕີ

Step 1 : ເຂົ້າໄປທີ່ Timeline ຂອງເຮົາ ແລ້ວເລືອກເພື່ອນ "Friends"

---------------

Step 2 : ເຂົ້າໄປທີ່ການຕັ້ງຄ່າຄວາມເປັນສ່ວນຕົວ "Edit Privacy"

--------------

Step 3 : ໄປທີ່ເມນູ Following ແລ້ວເລືອກສະເພາະຂ້ອຍ "Only me"

--------------

Step 4 : ຈາກນັ້ນກົດ Done! ພຽງເທົ່ານີ້ກໍ່ເປັນອັນສໍາເລັດແລ້ວ

-------------------

++++++++

• ການຕັ້ງຄ່າສໍາລັບໃນໂທລະສັບ

Step 1 : ເຂົ້າໄປທີ່ "Settings" ໃນເມນູຕັ້ງຄ່າ Facebook ຂອງເຮົາ

------------

Step 2 : ເລືອກເມນູ "Account Settings"

------------

Step 3 : ເລືອກເມນູ "Privacy"

--------------

Step 4 : ເລືອກເມນູ "Who can see the people, Pages and lists you follow ?"

s

------------------

Step 5 : ຈາກນັ້ນໃຫ້ເລືອກ "Only me" ພຽງເທົ່ານີ້ກໍ່ສໍາເລັດແລ້ວ

--------------

++++++

ວິທີ Download Clip Video ຈາກ Facebook

     ຫຼາຍຄົນອາດຈະເຄີຍພົບບັນຫາ ເບິ່ງ Video ໃນ Facebook ແລ້ວຢາກໂຫລດມາເກັບໄວ້ເບິ່ງ ແຕ່ມັນບໍ່ມີປຸ່ມໃຫ້ດາວໂຫລດ, ເຊິ່ງເຮົາມີວິທີງ່າຍໆ  ( ສະເພາະໃນ Computer ) ທີ່ເຮົາສາມາດໂຫລດວີດີໂອນັ້ນໄວ້ເບິ່ງເອງ

ຂັ້ນຕອນ 1 :  

ເປີດ Web Browser ຂຶ້ນມາ ແລ້ວກໍ່ເຂົ້າ Facebook ປົກກະຕິ > ຈາກນັ້ນ ເຂົ້າ Video ທີ່ເຮົາຕ້ອງການຈະໂຫລດ

ຂັ້ນຕອນ 2 : 

ລຶບ WWW ທີ່ຢູ່ຊ່ອງ URL ອອກ, ແລ້ວພິມອັກສອນ m ໃສ່ແທນ ຈາກນັ້ນໃຫ້ກົດ Enter  ໄດ້ເລີຍ (ດັ່ງຮູບ)

ເມື່ອເຮົາ ກົດ Enter ໜ້າເວັບກໍ່ຈະສະແດງໜ້າວີດີໂອຂອງເຮົາຄືເກົ່າ 

ແຕ່ວ່າ, ເຮົາຈະສາມາດ Download Video ໄດ້ແລ້ວເມື່ອເຮົາປະຕິບັດຕາມຂັ້ນຕອນຕໍ່ໄປ

ຂັ້ນຕອນ 3 : 
ກົດ Play ວີດີໂອ >> ຄລິກຂວາທີ່ບໍລິເວນວີດີໂອ ກໍ່ຈະມີເມນູອອກມາໃຫ້ເຮົາເລືອກ ( ຕ້ອງກົດ Play ກ່ອນ ) ຈາກນັ້ນ ໃຫ້ເຮົາເລືອກ Save Video As...

ຫຼັງຈາກທີ່ໄດ້ກົດ Save Video As... ກໍ່ຈະປາກົດໜ້າຕ່າງອອກມາໃຫ້ເຮົາເລືອກບ່ອນເກັບ Video (ດັ່ງຮູບ)

ຈາກນັ້ນ ໃຫ້ເລືອກບ່ອນທີ່ເຮົາຕ້ອງ Save Video >> ກົດ Save ແລ້ວລໍຖ້າໃຫ້ມັນດາວໂຫລດສໍາເລັດ ກໍ່ເປັນອັນສໍາເລັດແລ້ວ, ພຽງເທົ່ານີ້ ເຮົາກໍ່ຈະສາມາດ Save ວີດີໂອໄວ້ເບິ່ງຍາມເຫງົາແລ້ວ

#Download  #Clip  #Video  #Facebook  #dekitproject

ການບໍລິຫານເວລາ | T!ME MANAGEMENT

                                     ( ເທັກນິກການບໍລິຫານເວລາໃນການເຮັດວຽກ — Time Management )

ເມື່ອເຮົາເວົ້າເຖິງ “ການບໍລິຫານເວລາ” ຂ້ອຍເອງເຊື່ອວ່າທຸກຄົນກໍ່ຕ້ອງໃຫ້ຄວາມສໍາຄັນກັບມັນຢ່າງແນ່ນອນ ເພາະວ່າ “ການບໍລິຫານເວລາ” ແມ່ນມີຄວາມສໍາຄັນຫຼາຍບໍ່ວ່າຈະເປັນການໃຊ້ເວລາໃນການເຮັດວຽກ ຫຼື ການໃຊ້ຊີວິດ.

ເຊິ່ງໃນເມື່ອກ່ອນ ຂ້ອຍເອງກໍ່ເປັນຜູ້ໜຶ່ງທີ່ໃຊ້ເວລາໄປກັບສິ່ງທີ່ບໍ່ຈໍາເປັນ ແລະ ບໍ່ເປັນປະໂຫຍດພໍສົມຄວນ

 

ຈົນເຮັດໃຫ້ຂ້ອຍໄດ້ກັບມາຖາມໂຕຂ້ອຍເອງວ່າ ການໃຊ້ເວລາໃຫ້ເປັນປະໂຫຍດນັ້ນມັນແມ່ນແນວໃດກັນແທ້ ?

ຈາກນັ້ນ ຂ້ອຍກໍ່ໄດ້ Search ໄປຖາມລຸງ Google ຂອງຂ້ອຍ ແລະ ຍັງໄດ້ VDO Call ໄປຖາມສະຫາຍທູບ (You Tube) ກ່ຽວກັບການບໍລິຫານເວລາທີ່ມີປະສິດທິພາບນັ້ນຕ້ອງເຮັດແນວໃດ (ແນ່ນອນວ່າແຫຼ່ງຂໍ້ມູນນັ້ນມີຫຼາຍໂພດ ຈົນບໍ່ຮູ້ຊິເບິ່ງໂຕໃດ) ແລະແລ້ວມື້ໜຶ່ງຂ້ອຍກໍ່ໂຊກດີທີ່ໄດ້ຮັບຄໍາແນະນໍາຈາກຫົວໜ້າຄົນໜຶ່ງ (ບໍ່ຂໍລະບຸຊື່) ກ່ຽວກັບການໃຊ້ເວລາ ຫຼື ການບໍລິຫານເວລາແນວໃຫ້ເກີດປະໂຫຍດທີ່ສຸດ ແລະ ມີປະສິດທິພາບທີ່ສຸດ ເຊິ່ງວ່າເພິ່ນກໍ່ໄດ້ອະທິບາຍກ່ຽວກັບຄວາມສໍາຄັນຂອງການບໍລິຫານເວລາໃຫ້ກັບຂ້ອຍ ແລະ ຍັງໄດ້ຍົກຕົວຢ່າງຈາກສິ່ງໃກ້ໆຕົວຂ້ອຍທີ່ເຮັດໃຫ້ຂ້ອຍເຂົ້າໃຈໄດ້ງ່າຍຂຶ້ນ (ງານນີ້ຕ້ອງຂໍຂອບໃຈມາຍັງທ່ານຜູ້ນັ້ນ ເອ່ໆເນີ້… ) ທີ່ເຮັດໃຫ້ຂ້ອຍໄດ້ຮູ້ຄວາມໝາຍ ແລະ ຄວາມສໍາຄັນຂອງເວລາ (TIME) ຫຼາຍຂຶ້ນ, ແຕ່ກໍ່ບໍ່ແມ່ນວ່າຂ້ອຍຈະບໍລິຫານເວລາໄດ້ຂັ້ນເທບແລ້ວ ເພາະໃນບາງຄັ້ງຂ້ອຍກໍ່ຍັງໄດ້ເຜີໃຈໄປກັບສິ່ງທີ່ບໍ່ຈໍາເປັນພໍສົມຄວນ ຫຸຫຸ

ສະນັ້ນ, ຂ້ອຍກໍ່ຈະຂໍເອົາໂອກາດນີ້, ມື້ນີ້, ຊົ່ວໂມງນີ້, ນາທີນີ້ ແລະ ວິນາທີນີ້ ມາແຊ໌ປະສົບການເລັກນ້ອຍກ່ຽວກັບການບໍລິການເວລາໃນການເຮັດວຽກ

ມະ ! ເຮົາມາເລີ່ມກັນເລີຍເນາະ

ການບໍລິຫານເວລາທີ່ດີໃນການເຮັດວຽກຕ້ອງເຮັດແນວໃດ ?

ຢ່າງທີ່ພວກເຮົາຮູ້ໆກັນຢູ່ວ່າໃນມື້ໜຶ່ງທຸກຄົນນັ້ນມີເວລາເທົ່າກັນ ຄື 24ຊົ່ວໂມງ ເທົ່ານັ້ນ ບໍ່ວ່າຈະເປັນ ເດັກນ້ອຍ, ນັກຮຽນ, ນັກສຶກສາ, ຄູອາຈານ, ທະຫານ, ຕໍາຫຼວດ, ທ່ານໝໍ ລວມໄປເຖິງເຈົ້າຂອງທຸລະກິດ, ພະນັກງານລັດ, ພະນັກງານເອກະຊົນ… (ທີ່ລະບຸມາທັງໝົດນີ້ ເພື່ອ!!! ຫະຫະ )… ລ້ວນແລ້ວແຕ່ມີເວລາ 24ຊົ່ວໂມງ ເທົ່າກັນໝົດ ພຽງແຕ່ວ່າແຕ່ລະຄົນຈະສາມາດໃຊ້ເວລາ 24ຊົ່ວໂມງ ນັ້ນໃຫ້ເກີດປະໂຫຍດໃຫ້ກັບເຮົາ, ກັບຄອບຄົວ ແລະ ອົງກອນຫຼາຍໜ້ອຍສໍ່າໃດ.

ເວລາ (TIME) ກໍ່ຄືກັບຊີວິດ ຖ້າໃຊ້ຊີວິດໄປວັນໆກໍ່ເທົ່າກັບວ່າເຮົາເສຍເວລາຖິ້ມໄປລ້າໆ, ແຕ່ຖ້າເຮົາໃຊ້ເວລາທີ່ມີຄຸນຄ່າ ກໍ່ເທົ່າກັບວ່າເຮົາໃຊ້ຊີວິດຢ່າງມີຄວາມໝາຍນັ້ນເອງ.

ເຊິ່ງການບໍລິຫານເວລາກໍ່ຄືກັບ “ການວາງແຜນ” ເພາະວ່າການວາງແຜນເປັນຫຼັກການສໍາຄັນຂອງການເຮັດວຽກ ຈຶ່ງເຮັດໃຫ້ຕ້ອງມີການກໍານົດເປົ້າໝາຍ ຄືການກໍານົດວ່າແຕ່ລະມື້ເຮົາຈະເຮັດຫຍັງ ຈາກປະສົບການທີ່ເຄີຍເຮັດມາແມ່ນຂ້ອຍຈະເຮັດເປັນ To Do List 1, 2, 3 ,4 ……ຕາມລໍາດັບເລີຍ ວ່າມື້ນີ້ມີຫຍັງແດ່ທີ່ຂ້ອຍຈະຕ້ອງເຮັດ ແລະ ຕ້ອງເຮັດໃຫ້ສໍາເລັດພາຍໃນມື້ດຽວ.

ອ່າວ… ແລ້ວຖ້າຫາກມື້ນັ້ນມີວຽກຫຼາຍ ທີ່ຈະຕ້ອງເຮັດເດ ເຈົ້າຊິເຮັດແລ້ວໝົດທຸກອັນບໍ ?

+ ອ່າາາາ…(ຢຸດຫາຍໃຈ 2 ວິ)

ມັນກໍ່ແມ່ນຫັ່ນແຫລະເນາະ ວ່າເຮົາຈະເຮັດມັນແລ້ວໝົດທຸກອັນບໍ ຖ້າວ່າວຽກຫຼາຍເກີ້ນນນ…

ແຕ່ຈົງໃຫ້ເຂົ້າໃຈວ່າວຽກແຕ່ລະວຽກນັ້ນມັນອາດຈະບໍ່ສໍາຄັນໄປໝົດທຸກອັນ ບາງອັນອາດຈະບໍ່ຈໍາເປັນຕ້ອງສໍາເລັດໃນມື້ນັ້ນກໍ່ໄດ້ ສະນັ້ນເຮົາຈະຕ້ອງມາເລືອກເຮົາອັນທີ່ມັນສໍາຄັນກ່ອນ ບໍ່ແມ່ນເລືອກເຮັດຕາມ To do List ທີ່ເຮົາລຽງ 1, 2, 3 ລົງມາ

ເອະ…!!! ແຕ່ຖ້າວຽກທຸກອັນມັນສໍາຄັນໝົດເດ ເຮົາຈະເລືອກເຮົາອັນໃດກ່ອນລະ ?

ໂອເຄ ເຮົາຈະມາຮຽນຮູ້ວິທີການເລືອກວ່າອັນໃດສໍາຄັນທີ່ຄວນຈະຈັບມາເຮັດກ່ອນ

ທ່ານ ເລົ່າອູ ຊູຊານ( ເທບແຫ່ງນັກຣົບ ) ໄດ້ກໍານົດເຖິງວິທີການເລືອກ ວ່າວຽກອັນໃດຄວນຈະເຮັດກ່ອນ ແລະ ອັນໃດຄວນຈະເຮັດຫຼັງມີດັ່ງນີ້ :

ເຊິ່ງເຮົາຈະແບ່ງວຽກທີ່ເຮົາຈະຕ້ອງເຮັດ ອອກເປັນ 4 ແບບ ( ດັ່ງຮູບ )
ໂດຍເຮົາໃຊ້ຫຼັກການໃນການແບ່ງອອກເປັນສອງດ້ານ ຄືແກນ X ກັບແກນ Y

ແກນ X ແບ່ງເປັນສອງຝັ່ງຈະໄດ້“ສໍາຄັນ” ແລະ “ບໍ່ສໍາຄັນ”

ແກນ Y ແບ່ງເປັນສອງຝັ່ງຈະໄດ້ “ດ່ວນ ” ແລະ ”ບໍ່ດ່ວນ”

ເຊິ່ງເອົາມາລວມກັນກໍ່ຈະໄດ້ເປັນການເຄື່ອງໝາຍ ບວກ(+) ດັ່ງຮູບ :

 ເຮົາຈະສັງເກດເຫັນວ່າຈະເປັນວຽກຢຸ່ 4 ແບບຄື :

1. ສໍາຄັນ - ດ່ວນ

2. ສໍາຄັນ -ບໍ່ດ່ວນ

3. ບໍ່ສໍາຄັນ -ດ່ວນ

4. ບໍ່ສໍາຄັນ -ບໍ່ດ່ວນ

ເຊິ່ງການຈັດການກັບວຽກແຕ່ລະອັນແມ່ນຈະແຕກຕ່າງກັນອອກໄປ ເມື່ອເຮົາຮູ້ແລ້ວວ່າມັນແບ່ງປະເພດຂອງວຽກອອກເປັນ 4 ແບບ ແລ້ວເຮົາກໍ່ມາເບິ່ງຄວາມໝາຍຂອງແຕ່ລະອັນເລີຍ :

- ແບບທີ 1 ( Do it NOW )
ສໍາຄັນແລະກໍ່ດ່ວນອີກ : ແມ່ນເຮັດມັນໂລດ (Do it Now) ມັນເປັນວຽກທີ່ບໍ່ມີທາງເລືອກເຮົາຕ້ອງຈັດການວຽກປະເພດນີ້ກ່ອນເລີຍວິທີເຮົາກັບໄປກວດເບິ່ງວຽກທີ່ມັນສໍາຄັນ ແລະ ດ່ວນອີກມາວາງໄວ້ຫ້ອງນີ້ແລ້ວລົງມືເຮັດມັນເປັນອັນທີ 1 ເລີຍ

- ແບບທີ 2 ( Decide )

ສໍາຄັນແຕ່ວ່າບໍ່ດ່ວນ : ເຊິ່ງມັນສໍາຄັນແຕ່ບໍ່ຈໍາເປັນຕ້ອງເຮັດຕອນນີ້ກໍ່ໄດ້ ເຊິ່ງວິທີຈັດການງານປະເພດນີແມ່ນເຮົາຕ້ອງວາງແຜນໃຫ້ດີ (Decide) ວ່າເຮົາຈະເຮັດມັນມື້ໃດທີ່ມັນຄວນຈະເຮັດຫຼັງຈາກທີ່ເຮັດແບບທີ່ 1 ສໍາເລັດແລ້ວ

- ແບບທີ 3 ( Delegate )

ບໍ່ສໍາຄັນແຕ່ວ່າດ່ວນ : ເຊິ່ງວຽກກຸ່ມນີ້ແມ່ນເຮົາຈະເຫັນໄດ້ຫຼາຍເລີຍແຫລະ ມັນບໍ່ສໍາຄັນແຕ່ຕ້ອງເຮັດໃຫ້ແລ້ວມື້ນີ້ ຮ່າຮ່າ, ເຊິ່ງວິທີແກ້ບັນຫາວຽກທີ່ບໍ່ສໍາຄັນແຕ່ດ່ວນ ກໍ່ຄື ເຮົາອາດຈະໄດ້ຊອກຄົນມາຊ່ວຍເຮັດວຽກໂຕນີ້ແທນເຮົາ (Delegate) ໄປກ່ອນ ເພາະວ່າເຮົາມີວຽກທີ່ສໍາຄັນແລະດ່ວນຢູ່ແລ້ວ

- ແບບທີ 4 ( Delete )

ສໍາຄັນກໍ່ບໍ່ສໍາຄັນ ດ່ວນກໍ່ບໍ່ດ່ວນ : ເຊິ່ງວຽກນີ້ມັນບໍ່ຈະເປັນເລີຍທີ່ເຮົາຈະເອົາມາເຮັດ ເພາະວ່າທັນບໍ່ໄດ້ສໍາຄັນຫຍັງເລີຍ ວິທີຈັດການກັບວຽກແບບນີ້ກໍ່ຄືຫາວິທີ Delete ມັນ ຫຼື ຈະຫາວິທີແນວໃດກໍ່ໄດ້ທີ່ບໍ່ເຮັດມີຜົນກະທົບກັບເຮົາ ແລະ ຄົນອ້ອມຂ້າງເມື່ອເຮົາຮູ້ແລ້ວວ່າວຽກໃດມັນສໍາຄັນ, ມັນດ່ວນແນວໃດເຮົາກໍ່ມາເລີ່ມຈັດວຽກທີ່ເຮົາເຮັດເປັນ To Do List ໄວ້ນັ້ນມາວາງໃສ່ແຕ່ລະຫ້ອງເລີຍກັນ…

“…ການທີ່ເຮົາຮູ້ຈັກການໃຊ້ເວລານັ້ນ - ມັນຄືການບໍລິຫານເວລາທີ່ສະຫຼາດທີ່ສຸດ...”

ສຸດທ້າຍນີ້ຕ້ອງຂໍຂອບໃຈທຸຄົນເນາະ ທີ່ຍອມເສຍເວລາອັນມີຄຸນຄ່າຂອງທ່ານ ເພື່ອເຂົ້າມາອ່ານບົດຄວາມນີ້ຈົນຈົບ.ຖ້າຫາກໃຊ້ຄໍາເວົ້າຜິດ ຫຼື ຂຽນບໍ່ຖຶກໄວຍາກອນ ຂ້ອຍກໍ່ຂໍໂທດຂໍອະໄພມານະທີ່ນີ້ດ້ວຍ.

| ຂໍ້ມູນເພີ່ມເຕີມກ່ຽວກັບການບໍລິຫານເວລາແມ່ນໃນ Google ເລີຍເນາະ